الوالده والقائده إيفا...تحت مجهركم يا سهمكووو وشاري بايع وناصر

السلام عليكم اخواني الكرام عضو جديد يتشرف بالمشاركه بمنتداكم المثمر ومن خلال متابعاتي لتحاليل الإخوه سهمكووو وشاري بايع وناصر ارجو منهم ان يتكرموا بعلمهم الذي آتاهم الله جل وعلى ان يضعوا سهم إيفا الأم تحت مجهرهم الخبير خاصة وانها تعيش منذ فتره بحاله ضخمه من الزخم وقد سمعت ان مصير السهم يتحدد بتجاوز اعنف مقاومه وهي 156فلس وهو ماحدث اليوم وشكرا لكم مقدما.

اولا حياك الله يا خوي في منتداك والساعه المباركه

بالنسبة لسهم ايفا نعم مثل ما تفضلت اليوم كسر مقاومة واتجاه السهم مبدئيا لل 190 فبس كهدف مضارب

وننتظر راي الشباب

وموفق خير

اخواني المحللين شنو وضع السهم عقب تداولات اليوم اخوكم شاري آجل بتكلفة 162 وانا اتحمل مسؤولية قراري بس ابي رايكم الفني جزاكم الله الف خير.

وعليكم السلام هلا والله اخوي


اانت حاله استثنائيه لأنك ما خذ اجل والسهم قريب عند سعر التكلفه

الان السهم خطر وانصح انك تبيع مع الافتتاح الى ان يستقر السوق شوي

السهم متوجه لل 152 بعد كسر 160 وما راح تقدر تبيع اذا نزل تحت 160 وراح تطلع عليك خساره كبيره

وانت ربحان الحين اسلم على حلالك وانتظر فرص ثانيه بعد الانتخابات والاعلانات وعوار الراس

وبالتوفيق ان شاء الله

اشكركم من كل قلبي اخواني شاري بايع وناصر انا ولله الحمد اليوم بعتها 160 خساره طفيفه جدا ولكن شريت راحة بالي عقب المحاتات امس والحين الكاش موجود وودي آخذ الإنماء بعد الاجماع الفني عليها من رجال ثقات بهالمنتدى المزهر بأعضاءه

عسى الله يعوضك كل خير

والفرص كثير اخر الاسبوع القادم

وانا صفيت كل الي عندي امس والى الان مالي نيه ادخل كلش حتى توضح الامور اكثر الاسبوع الجاي ان شاء الله

وصدقني الي صار اليوم بسوق بييع قوي لا يغرك صعود 60 ترى كم شركه مثل عارف طاقه ومجموعة المخازن وقابضه مصريه

وباقي الاسهم داقه

وغدا اتوقع كل السوق احمر

ونتمنى لك التوفيق